Urteari txikien ilusio eta energiaz kutsatuta eman diogu hasiera
Pasa diren Gabonetako oporretan, oso ezaguna den arrazoiagatik, ludoteketan programatuak genituen jarduera guztiak ezin egin izan baditugu ere, txikiek kutsatutako poztasun eta ilusioari esker egun eta momentu oso bereziak bizi izan ditugu. Mugak gorabehera, euren jakinminei, ardurei eta emozioei erantzutea erraztu egin digute. Magia eta energia hutsa dira, eta hori kutsatu egiten da!!
Animo onez, 2022ari baikortasunez eta, zentzu guztietan elkarrekin, disfrutatzen eta hazten segitzeko gogotsu eman diogu hasiera.
Eta urtea ondo hasteko, hemen utziko dugu umeek aspaldi etxez etxe kantatzen zuten kopla:
“Urtebarri barri,
dekonak eztekonari
nik eztekot eta niri
ezpabere txarri belarri
Urte zaharra joan da,
barria etorri”