Biloben Eguna eta berdintasunaren aldeko jai-jardunaldia Usansolon
Belaunaldien arteko harreman astea dugu hau Usansoloko ludotekan, baita berdintasunaren alde lan egitekoa ere. Alde batetik, herriko Jubilatuen Egoitzako amama-aititekin arratsalde zoragarria pasatu dugu, beste behin ere tradizio bihurtu den “Biloben eguna” beraiekin ospatzera gonbidatu gaituzte eta, eta bai beraientzat bai guretzat hain kuttuna dena. Gainera Bizkaiko guraso bananduen elkartearekin batera berdintasunaren aldeko ekimenean parte harte dugu.
Asteazkenean, azaroak 20, Usansoloko “Gure Etxea” Jubilatuen Egoitzako amama-aititeek nagusi eta txikiak elkartzen dituen jaia ospatzera gonbidatu gaituzte. Ospakizunean Nikolasa Pailazoaren emanaldiaz gozatu ahal izan genuen. Emanaldiaren ostean bera imitatu nahian, aurpegiak margozteko tailerrari ekin genion. Sei eta erdietan, amama-aititeek agur esan ziguten, eurek ere euren kabuz gozatu zutelako bingoan jokatzen.
Berdintasunaren aldeko jai-jardunaldia
Eta bihar, zapatuz, azaroak 22, Bizkaiko Guraso bananduen elkartearekin bat egingo dugu Usansolon berdintasunaren aldeko jai-jardunaldia antolatuz. Goizeko hamaiketatik aurrera izango da Martillo enparantzan. Bertan “Berdintasuna oparitu” marrazketa txapelketako sariak emango dira, non Usansoloko ludoteka eta Arrigorriagako Arrigorri eta Perretxiko ludotekek parte hartu duten. Marrazkien erakusketaz gain, puzgarriak, tailerrak eta jolasak izango ditugu. Usansoloko gure monitoreetako batek lehen eta bigarren hezkuntza zentroetan berdintasun tailerrak ematen ibili da.