Usansoloko ludotekako “Zure jostailua eraiki” leihaketan proposamenen aurkezpenen azken egunak

Azaroaren 25a izango da urrian Usansoloko ludotekatik, eta Galdakaoko Udaleko Hezkuntza eta Euskara Sailak lagunduta, sortutako “Zure jostailua eraiki” leihaketan parte hartzeko jostailuak aurkezteko azken eguna.

Ludoteka honetara joaten diren 3-11 urte bitarteko 250 haurrek, euren familiak lagunduta, jostailu bat sortzea da ideia. Jokoa ludotekatik atera eta etxeetara zabaltzea da helburua. Era berean familian euskararen transmisioari berebiziko garrantzia ematen zaiolarik.

Jostailuak Usansoloko ludotekan bertan aurkez daitezke, non irabazleei bost sariak emango zaizkien abenduaren 2an.

Bertan izango dituzue ikusgai!