Basauriko Fisikokirol Jardueren Maratoiak 15 urte egingo ditu
Beste urte batez, hamabostgarrena, ostiral honetan, ekainak 7, Basauriko Artunduagako kiroldegian elkartuko gara berriro ere ikasturteari sasoi onean eta pertsona nagusientzako jarduera fisiko eta kirol jarduera tailerretan parte hartzen duten ikaskideez inguratuta goiz zoragarria pasatzeko irrikitan.
Maratoia, Basauriko udaleko Politika Sozial Sailak antolatua, hainbat jarduera praktikatzeko 20 minutuko saioez osatuta egongo da non erlajazioa, gorputz adierazpena, yoga, gimnasia eta areto dantzak praktikatuko diren, denak SOINHEZIko monitoreek gidatuta. Gure asmoa ez denez inolako olimpiadatan parte hartzea, baizik eta elkarbanatzea eta ondo pasatzea, saioen artean atsedena hartuko dugu.
Jardunaldia 9:30 hasi eta 13:30 inguru izango du amaiera, Andoni Busquets alkatearen eta Asier Iragorri Politika Sozial Saileko arduradunaren eskutik parte hartzaileentzako oroitzapen banaketarekin batera.